|
Laerskool
Mooirivier het op 17 Augustus 192
saalstoele aan die Buffelsvlei skool
geskenk. Laasgenoemde skool is op die
Carletonvillepad geleë. Die skool se
skoolsaal is onlangs opgegradeer maar
het geen stoele gehad nie. Laerskool
Mooirivier se Beheerliggaam en skoolhoof
het dit goed gedink om ook na die gemak
van die plaasgemeenskap op te sien.
Op die foto
verskyn voor v.l.n.r. Dorothy Lethoba,
Grace Serokolo (hoof van Buffelsvlei) en
Evelyn Gambell. Agter is adv. Nic
Laubscher (Voorsitter van Mooirivier se
Beheerliggaam) en Ruben Jacobs (skoolhoof).
__________________________________________________________________________________________________________________________
Laerskool
Mooirivier het in samewerking met die
SJGD van die NWU blikkieskos ingesamel
vir skole waarin daar groot nood is. Die
SJGD het in samewerking met Mooirivier
onder andere Buffelsvleiskool (tussen
Potchefstroom en Carletonville)
geidentifiseer.
Die skool het 'n klaskompetisie gehou en
kort voor lank is daar 'n sluier getrek
oor watter klas die meeste blikkies
ingesamel het. Op Vrydag, 19 Februarie
is die kat uit die mou gelaat en groot
was die verrassing toe daar 5494
blikkies uit die klasse se 'geheime
spense' te voorskyn gehaal is. Die
klasse van Sonja Coetzer en Gerda de
Jager het die meeste blikkies ingesamel.
Hier spog die onderwyseresse en
klasleiers van die twee klasse tussen 'n
paar van die blikkies.
Heelvoor: Gr. 3:22 se klasleiers Janco
Havenga en Leonéze Liebenberg.
Middel:: Gr. 7:2 se klasleiers Dylan
Niemack en Michelle Hammann.
Heelagter: Gerda de Jager en Sonja
Coetzer |
